HEZKUNTZA PSIKOMOTRIZITATEA

Helburuak:

1. Hausnartzea jarduera psikomotorearen gainean.

2. Irakaskuntzan aplikatzeko estrategiak ezagutzea.

3. Adierazpen psikomotorearen garapena bultzatzea Haur Hezkuntzako haurrengan “Nork bere burua ezagutzea eta autonomia pertsonala” eta “komunikazioa eta irudikapena” gaien prozesuaren barnean, bere pentsamolde

operatiboa sortu eta eratu ahal izateko.

Edukiak:

1. Gorputz lengoaia Haur Hezkuntzan: jarduera espontaneoaren eta jolas librearen barnean.
2. Gorputz irudia garatzea eta espazioa eta denbora egituratzea, bat‑bateko jardueraren bidez.
3. Haurren mundu emozionalaren sinbolo bidezko adierazpena.
4. Hitz gabeko gorputz lengoaia deskodetzeari buruzko sarrera.
5. Hezitzailearen papera.
6. Esku-hartze psikomotorearen esparruak: kognitibo-intelektuala eta afektibo-emozionala.
7. Psikomotrizitatea eta dibertsitatea tratatzea.
8. Bideoak ikusi eta komentatzea.
9. Psikomotrizitatea lantzeko erabiltzen diren ikasgela edo/eta ikastetxeko espazioak eta materialak aztertzeko proposamenak.

Metodologia:

1. zatia: bizipen bidezkoa: (3 saio) irailaren 27an eta urriaren 4an eta 18an.

Irakasleek 3 lan saio egingo dituzte hizlariarekin batera; zuzeneko bizipenen bidez antzemango dute zer esan nahi duen gorputz lengoaiak, haurren psikomotrizitate lengoaia ulertu baino lehen.

2. zatia: fase praktiko-teorikoa: (3 saio) azaroaren 8an, 15ean eta 22an

Hasiera batean, antolatzeko jarraibideei buruzko saioa aholkulari arduradunarekin. Saio honetan lan taldeak antolatuko dira, eta mintegian zehar jorratuko diren lan ildoak zehaztuko dira.

Mintegia amaitutakoan, talde bakoitzak dokumentu bat ekarriko du euskarri informatikoan (Power point), gelara eramandako proposamenak zein gauzatu ondoko balorazioak bilduko dituena.

Jarraian, aurrez aurreko saioa eginen da, hizlariekin batera. Mintegiaren edukiak garatzeko oinarri teorikoak eta adibide praktikoak azalduko dituzte, eta horiek ikasgelara eramateko proposamen didaktikoak eginen dituzte.

3. zatia: jarraipena (2 saio) urtarrilaren 17an eta 31n

2 saio orokor horietan taldeek gelara eramandako proposamenak aztertuko dira; bideoak aztertuko dira edukien garapenean aurrera eginez; sor daitezkeen zalantzak argituko dira.

Hizlariak:

Alvaro Beñarán: Eskola psikomotrizista eta aditua lanean ari diren irakasleen prestakuntzan.

Usoa Gracía: Eskola psikomotrizista eta Haur Hezkuntzako irakaslea.